تحذير هام لاخوتناالبنات

أخوتى الأحباء فى المنتدى :

اتمنى من الجميع قراءة هذا الموضوع بعناية وعدم اهمال ما به لتلافى المشاكل المستقبلية

اكيد كلنا بنتعامل يومياً مع هذه الشبكة العملاقة ، شبكة الإنترنت ، على الرغم من مميزاتها الكثيرة فها ما زالت أيضاً تحتوى على الكثير من العيوب
المنتدى المسيحى هدفه الوحيد هو خدمة رب المجد واننا نحاول نوصل كلمة ربنا لكل ارجاء المسكونة ، للاسف فى الفترة الاخيرة فى ناس كتير ضاع منها الهدف ده وبدأت تعتبر المنتديات ما هى الا برنامج شاتمن نوع جديد ، وابتدينا نلاقى ناس بتشترك لمجرد انها تكلم بنت معينة فىالمنتدى
طبعاً ديه حرية شخصية وكل واحد مسئول عن تصرفاته فى النهاية ، بس احنا كخدمة وبعد خبرة طويلة فى الكثير من المنتديات والجروبات المسيحية نحب اننا نوضح وننصح اخوتنا البنات لخوفنا المستمرعليهم ، اى واحد بيشترك فى منتدى مسيحى ادارة المنتدى ما بتبقاش عارفة عنه اى حاجة، احنا بنتعرف عليه عن طريق مواضيعه مش اكتر ، عشان كدة بنلاقى انه ممكن يكتب مواضيع كويسة ويظهر بصورة الملاك ، ويبتدى يكلم البنات ببراءة وبتلقائية وهادي كما مثلة حدثت فعلاً :
* واحد يبتدى يبعت للبنت رسالة خاصة ويقول لها الموضوع بتاعك ده رائع وانتى رائعة وبجد انتى بركة كبيرة لينا ..... والبقية تأتى .
* واحد يبعت لها رسالة خاصة ويقوللها مثلا على فكرة توقيعك حلو اوى انتىجبتيه منين ؟
* واحد يبعت رسالة خاصة بحجة انه شايف انها بتعمل التوقيع غلط ويقول لها خلى بالك التوقيع مش نازل صح ويبتدى يفهمهالها وهى طبعاً مش هاتستوعب فى الرسالة الخاصة ويبتدى يقول لها طيب هاتى اميلك واشرح لكبالتفصيل .
واحد يبعت للبنت ويقول لها انتىموضوعك ده مش حلو ويكلمها بطريقة هجومية بحيث يقنعها انه بيناقشها مش اكتر والحوار يتزايد .
وغيره وغيره نوعيات كتيرة جداً الواحد قابلها وشافها ، ونلاقى اخوتنا البنات بيتجاوبوا معاهم فى البداية بتلقائية وبحسن نية وفى النهاية يحدث حوار بينهم ويصل لدرجة الحب وفى بعض الحالات وصل لدرجة المقابلة الخارجية ..... وبعدها تحدث المشاكل
طبعاً زى ما الولد غلط البنت برضة غلطانة لان رب المجد قال ( كونوا حكماء كالحيات ) مش قال نكون بسطاء وبس ، عشان كدةكان لازم ننبه اخوتنا هنا فى المنتدى وبنخلى مسئوليتنا نهائياً لو حدث اى شئ من هذه الاشياء فلا علاقة لنا بها
وتنبيه هام أخر المسئولين هنا عن المنتدى هم :

فى حالة حدوث مشاكل رجاء من كل اخواتى فى المنتدى انهم يراسلوا اى واحد منا واخبارنا بالمشكلة لنحاول معاً ان نصل إلى حل
فى النهاية احنا يا جماعة خدام نخدم فى منتدي واحدةواسرةواحدة ، ولو حصلت اى حاجة بنقعد مع بعض وبنحاول نوصل فيها لحل ، حتى الموضوع اللى مكتوب دلوقتى احنا التلاتة اتفقنا عليه مسبقاً وراجعناه جميعاً قبل ان نضعه
،فرجاء مراسلة احد الادراة لو حاول شخص ما مضايقتكم
ربنا معاكم ويحرسكم
تحذير هام لاخوتناالبنات 916200

تحذير هام لاخوتناالبنات

تحذير هام لاخوتناالبنات :: تعاليق

تحذير هام لاخوتناالبنات