الخطايا الصغيرة.......

فى حاجات كتيرة فى حياتنا نتهاون فيها كتير ونقول دى حاجات
صغيرة وفيها ايه لو حصلت مش راح يحصل حاجة زى ايه مثلاً؟... 1- السجائر, 2- البس الضيق للبنات , 3- نوعية الافلام اللى ممكن نشوفها..
بنقول لنفسنا الكتاب المقدس ما تتكلمش على الحاجات دى يبقى اكيد مش خطايا... طب تعالوا نشوف سوا الكتاب المقدس ماتكلمش عليها فعلا ؟
الكتاب المقدس ماسبش حاجة غير واتكلم عليها حتى لو بطريقة غير مباشرة... ودى مثلا من الحاجات الصغيرة اللى قولنا عنها
1-السجائر؟ لو فكرنا فيها كده هانعرف انها خطية من غير مانحس ازاى؟ اولا صحتنا نعمة ربنا اديهلنا واى عطية ربنا بيدهلنا لازم نحافظ عليها ومش نهملها وبشربنا للسجائر احنا بندمرها يعنى اهملنا عطية الله .. وكمان الفلوس اللى بتتصرف عليها كتير برضه دى فلوس ربنا عطيهالنا يبقى لازم نحافظ عليها ولو مش محتاجنها وبنضيعها فى السجائر طيب ما نعطيها للمحتاجين او نضعها فى الكنيسة لربنا واهو نبقى اديناها لربنا احسن من ما نحرقها فى الهوى..
2- طريقة اللبس؟ السيد المسيح قال عليها صراحة فى الكتاب المقدس فهو قال ويلاً لمن تأتى بسببه العثرات يعنى لو البنت لبست لبس مش كويس ومايلقش ببنات المسيح الناس هاتبص عليها وتعثر بسببها وكده هى شالت خطية كبيرة .
3- نوعية الافلام اللى ممكن نشوفها ؟هانقول وفيها ايه ده مجرد فيلم لما أشوفه مش هايحصل حاجة مافيهاش حاجة يعنى ..لا فيها حاجة السيد المسيح قالها برضه صراحتاً و قال سراج الجسد هو العين فإن كانت عينك شريرة جسدك كله يكون شرير وإن كانت عينك نيرة فجسدك كله يكون نير يعنى لو لوثنا نظرنا جسدنا كله هايكون شرير وممكن النظرة تولد شهوة والشهوة بالفعل تولد خطية ..وهى دى الحاجات الصغيرة فكر فيها كده هل هى صغيرة فعلاً؟وما بالك بالحاجات الكبيرة